دسترسی ها

که‌ناڵی فه‌رمیی ماملێ رایگه‌یاند: بە داخێکی گرانەوە بە ئاگاداریتان دەگەیێنین کە یای #ئامین_مەولودیان هاوژینی خوالێخۆشبوو هونەرمەند #محەممەد_ماملێ، ئەمڕۆ پێنجشەممۆ ڕێکەوتی (٣٠ی ڕێبەندانی ١٣٩٩بەرانبەر بە ١٨/٠١/٢٠٢١) لە تەمەنی ٨۴ ساڵیدا کۆچی دوایی کرد.

یای ئامین لە دایکبووی ساڵی ١٣١۵ه/١٩٢۶ز و کچی کاپیتان “محەممەد مەولودیان” ناسراو بە “حەمەدی مەولودە چرچی‌”ـیە. تا پۆلی چواری سەرەتایی دەخوێنێت. دوو جاران شووی کردووە. یەکەم جار ساڵی (١٣٣٠ه/١٩۵١ز) بە خوالێخۆشبوو “ئەسعەد خودایار” و کوڕێک و کچێک بەرهەمی ژیانیان دەبێ بە ناوەکانی “سولەیمان خودایار” و “ڕوناک مەولودیان / خودایار”.

لە پاش مەرگی کاک ئەسعەد خودایار (١٣۴٠/ ١٩۶١) لە ساڵی ١٣۴٣/١٩۶۴ شوو دەکاتەوە بە هونەرمەند “محەممەد ماملێ” کە کچێک و چوار کوڕیش بەرهەمی ژیانیان دەبێ بە ناوەکانی “عەبدولڕەحیم (نەجات)”، “شەونم”، “وریا”، “چالاک” و “چیا ماملێ”.

ڕۆحیان شاد و یادیان بەخێر

✅ #بۆکان_ئانڵاین راگه‌یاندنی سه‌ربه‌خۆی خه‌ڵکی کوردستان