به پێی ڕاپۆڕتی موکریان بۆکان ئۆنلاین، فیلمی سینەمایی “ئەزموون” The Exam بەرهەمی هاوبەشی هەرێمی کوردستان و وڵاتانی ئەڵمانیا و قەتەر؛ له یهکهمین نمایشی جیهانی خۆیدا به ئامادهبوونی ههندێک له ستافهکهی لهوانه: “شەوکەت ئەمین کورکی” دهرهێنهر، “مەمەد ئەکتاش” بەرهەمهێنهر، ئاڤان جەماڵ و ڤانیا سالار ئهکتهرانی سهرهکی به نوێنهرایهتی له هەرێمی کوردستان لە ۴ سانسی جیاوازدا لە بهشی “پێشبڕکێی سهرهکی” Crystal Globe پهنجاوپێنجهمین خولی فێستیڤاڵی نێودهوڵهتی فیلمی “کاڕلۆڤی ڤاری” Karlovy Vary له شاری کاڕلۆڤی ڤاری له وڵاتی کۆماری چیک چووه سهر پهردهی سینهماکان و له لایهن بینهرانی ئهم فێستیڤاڵه گرینگه پله یهکهی سینهمای جیهان و ههروهها ڕخنهگرانی سینهماییهوه پێشوازییهکی بێوێنهی لێکرا و توانی خهڵاتی “فیپێڕشی” FIPRESCI واته فیدڕاسیۆنی نێودهوڵهتی ڕخنهگرانی فیلم بهدهستبێنێت.
فیلمی سینەمایی “ئەزموون” بەرهەمی کومپانیای “میتوس فیلم”ی بەڕلین و کومپانیای “مەستی فیلم”ی سلێمانی که بە پاڵپشتی وەزارەتی روشنبیری و لاوانی حکوومهتی هەرێمی کوردستان بهرههمهاتووه و لە لایەن کۆمپانیای نێودەوڵەتی ئەڵمانی “ئاڕت هوود” ArtHood لە ئاستی جیهاندا بڵاودەبێتەوە؛ کۆمەڵێک ئەکتەری بە ئەزموونی هەرێمی کوردستان لەگەڵ چەندین ئەکتەری گەنجی کوردستان، تیایدا ڕۆڵیان بینیوە، لەوانە: ئاڤان جەماڵ، ڤانیا سالار، حوسێن حەسەن، شوان عەتووف، هوشیار زێڕۆ نێروەیی، نیگار عەسمان، کاوە قادر، عادڵ عەبدوالڕەحمان و … .
![](https://bokanonline.ir/wp-content/uploads/2021/08/photo_2021-08-27_21-14-28.jpg)
بۆ زانیاری زیاتر:
https://t.co/AXrTf3o0In pic.twitter.com/jUUnSaZql6
لاپەڕەی فەرمی فیلمی سینەمایی “ئەزموون” لە ئینستاگرام:
لاپەڕەی فەرمی فیلمی سینەمایی “ئەزموون” لە فهیسبووک:
بەڕێوەبەرایەتی ڕاگەیاندنی گشتی فیلمی سینەمایی “ئەزموون”.
Sunday, 8 September , 2024