به پێی ڕاپۆڕتی موکریان بۆکان ئۆنلاین، دووهەمین خولی فێستیڤاڵی نێودەوڵەتی کورتە فیلمی “کۆبانێ” Kobani بە بەرپرسیاریی کۆمەڵێک لە بەرپرسانی باڵای فێستیڤاڵ و بە دەرهێنانی هونەریی هاتوو “ئەڤین بەرازی” Evîn Berazî و بە هۆی بڵاوبوونەوەی پەتای ڤایرۆسی کۆڕۆنا بە شێوەی ئۆنلاین و هەروەها بە ڕچاوگرتنی ڕێکارە تەندروستییەکان، بە ئامادەبوونی هەندێک لە سینەماکارانی کوردیی دانیشتووی وڵاتانی ئەورووپا و هەروەها ڕێکخراوەی نێودەوڵەتی “گەشەپێدان و ئاشتی” ئەڵمانیا GIODP لە شاری “گلیزێن کێرشێن” Gilzen Kirchen لە وڵاتی ئەڵمانیا بەڕێوەچوو و براوەکانی ئەم ڕووداوە سینەماییە لە بەشە جۆراوجۆرەکانی پێشبڕکێی چیرۆکی، ئەنیمەیشن و بەڵگەفیلم ناسێندران.
![](https://bokanonline.ir/wp-content/uploads/2021/09/دومین-دوره-جشنواره-بینالمللی-فیلم-کوتاه-کوبانی-در-آلمان-برگزار-شد-4.jpg)
لە سەرەتای ئەم ڕێوڕەسمەدا، کورتە فیلمی “گۆرانی شکاو” Sitrana §ikestî لە دەرهێنانی “جان باپیر” Can bapîr نمایشکرا و پاشان، فیلمەکانی هەڵبژاردەش بە شێوەی ئۆنلاین بۆ هۆگرانی هونەری سینەمای و ئامادەبووانی ناو هەڵەکە چوونە سەر پەردە.
![](https://bokanonline.ir/wp-content/uploads/2021/09/دومین-دوره-جشنواره-بینالمللی-فیلم-کوتاه-کوبانی-در-آلمان-برگزار-شد-2-1024x648.jpeg)
فێستیڤاڵی نێودەوڵەتی کورتە فیلمی “کۆبانێ” لە ساڵی ۲۰۲۰ لە لایەن “مێهران عەبدۆ” Mehran Abdo دامەزراوە و ئەندامانی لێژنەی دادوەرانی دووهەمیش خولەیش کە بریتی بوون لە: “پشتیوان عەبدوڵڵا” دەرهێنەر، نووسەر و ڕخنەگری سینەمایی ـ سەرۆکی لێژنەی دادوەران لە هەرێمی کوردستان، خاتوو “نەجاح ئیبڕاهیم” دەرهێنەر لە وڵاتی سووریا، “نەجیب ئەلئەسەد” دەرهێنەر لە وڵاتی مەغریب و خاتوو “مریەم حەلاسی” دەرهێنەر لە وڵاتی توونس؛ براوەکانی بەشە جۆراوجۆرەکانی ئەم ڕووداوە سینەماییان بەم شێوەیە ڕاگەیاند:
![](https://bokanonline.ir/wp-content/uploads/2021/09/دومین-دوره-جشنواره-بینالمللی-فیلم-کوتاه-کوبانی-در-آلمان-برگزار-شد-6-683x1024.jpg)
ـ خەڵاتی باشترین دەرهێنان بە “محەمەد دەربەندیخانی” بۆ سازکردنی کورتە فیلمی “نیشتمانی قەلەڕەشەکان” The Crows land لە هەرێمی کوردستان بەخشرا.
ـ خەڵاتی باشترین کورتە فیلمی چیرۆکی بە “ڕۆژێکی زۆر ئاسایی” لە دەرهێنانی “ئەنەس ئەلزەواهیری” بەخشرا.
ـ خەڵاتی باشترین بەڵگەفیلم بە “هێمی ئارمی” Hemy Armi لە دەرهێنانی “کەماڵ قادر” بەخشرا.
![](https://bokanonline.ir/wp-content/uploads/2021/09/دومین-دوره-جشنواره-بینالمللی-فیلم-کوتاه-کوبانی-در-آلمان-برگزار-شد-8-1024x724.jpg)
ـ خەڵاتی باشترین ئەنیمەیشن بە کورتە فیلمی “بابەتی بازنە” Reel Thread لە دەرهێنانی “ئایەت فوئاد مەکی” بەخشرا.
ـ خەڵاتی باشترین وێنەگرتن بە “مستەفا فەرمانی” بۆ وێنەگرتنی کورتە فیلمی “شەپۆلی کۆتایی” The last Wave بەخشرا.
ـ خەڵاتی باشترین سیناریۆ بە “مەروە مستەفا” بۆ نووسینی سیناریۆی “یاڕەماسی” Potato لە دەرهێنانی “محەمەد بەدری” بەخشرا.
ـ خەڵاتی باشترین ئەکتەری ڕۆڵی یەکەمی ژن بە “ئانجێلا موراد” Angela Murad ئەکتەری لوبنانی کورتە فیلمی Ta’a Al-Tannis بەخشرا.
![](https://bokanonline.ir/wp-content/uploads/2021/09/دومین-دوره-جشنواره-بینالمللی-فیلم-کوتاه-کوبانی-در-آلمان-برگزار-شد-9.jpeg)
ـ خەڵاتی تایبەتی ئەندامانی لێژنەی دادوەرانیش بە بەڵگەفیلمی “ئەمانی” Amani لە دەرهێنانی “فازل مەحموود” بەخشرا.
زیاتر لە ۱۰۰ کورتە فیلم لە فیلمسازانی کیشوەرەکانی ئاسیا، ئەفریقیا، وڵاتانی عەەڕبی و هەروەها سینەماکارانی کوردستان، خوازیاری بەشداریی لە خولی دووهەمی ئەم فێستیڤاڵە بوون کە لە کۆتاییدا ۲۲ فیلم گەیشتنە قۆناغی کۆتایی بەشە جۆراوجۆرەکانی پێشبڕکێی چیرۆکی، ئەنیمەیشن و بەڵگەفیلم.
![](https://bokanonline.ir/wp-content/uploads/2021/09/دومین-دوره-جشنواره-بینالمللی-فیلم-کوتاه-کوبانی-در-آلمان-برگزار-شد-5-1024x696.jpg)
پێشکەش کردنی گۆرانی و پارچە موزیک جوان و هەست بزوێنی کوردی لە لایەن “بیرادێرًێ موزیکی” Biraderè Mûsikî موزیکزانی ناوداری کوردی دانیشتووی وڵاتی ئەڵمانیا، دوایین بەشی ڕێوەڕەسمی کۆتایی ئەم خولەی فێستیڤاڵی نێودەوڵەتی کورتە فیلمی “کۆبانێ” بوو.
![](https://bokanonline.ir/wp-content/uploads/2021/09/WhatsApp-Image-2021-09-07-at-12.28.30.jpeg)
لە دووهەمین خولی فێستیڤاڵی نێودەوڵەتی کورتە فیلمی “کۆبانێ”؛ “جینکۆ شەریف” Genko Sharif دەرهێنەری کورد، سەرۆکی دەستەی بەڕێوەبەرایەتی، “مستەفا زەیدان” Mustafa Zidan بەرپرسی لێژنەی ڕاگەیاندن و پەیوەندییەکان، “ئەحمەد ئەحمەد” Ahmed Ahmed ڕاگەیاندنی گشتیی و هەروەها “راڤی دیار” Ravi Diyar دەرهێنەری کورد و “محی الدین عبدالعزیز” Muhieddin Abdulaziz دەرهێنەری کورد ئەندامانی لێژنەی هەڵبژاردنی ئەم ڕووداوە سینەماییە بوون.
![](https://bokanonline.ir/wp-content/uploads/2021/09/دومین-دوره-جشنواره-بینالمللی-فیلم-کوتاه-کوبانی-در-آلمان-برگزار-شد-3-724x1024.jpg)
بۆ زانیاری زیاتر:https://www.facebook.com/Festivalkobani/
Sunday, 8 September , 2024